რიჩარდ ლინკლეიტერმა Boyhood-ის გადაღებას 12 წელი მოანდომა და ეს დრო ძალიან კარგი ინვესტიციაც გამოდგა. ფილმს ხშირად ასახელებენ ყველა დროის ერთ-ერთ საუკეთესო დრამად, ფილმის მსახიობებმა და გუნდმა რამდენიმე ჯილდო აიღო, თავად რეჟისორმა კი ინოვაციური და საინტერესო გადაღების ტექნიკით აღიარება დაიმსახურა.

ამ ყველაფრის შემდეგ ლინკლეიტერი ამ ტრიუკის გამეორებას ისევ აპირებს, თუმცა ამჯერად ის ახალ პროექტს 20 წლის საწარმოო ვადაში განიხილავს. ის სტივენ დონჰეიმის და ჯორჯ ფურსის Merrily We Roll Along-ის ადაპტაციის გადაღებას აპირებს.

"როდესაც 80-იანებში "მერილი" ვნახე მაშინვე შემიყვარდა, მომავალი 20 წლის ამაზე უკეთ გატარებას ვერ წარმოვიდგენ, რა ჯობია სოდენჰეიმის მიუზიკლში ცხოვრებას." — ამბობს რეჟისორი

ფილმში დიდი ხნის მეგობრები, ბინი ფელდსტეინი და ბენ პლათი ითამაშებენ, მონაწილეობას ასევე ბლეიკ ჯენერი მიიღებს. ფილმის მთავარი გმირი სიმღერების ავტორია, რომელიც შოუბიზნესითაა დაბრმავებული, მოახლოებულ საფრთხეებს ვერ ხედავს და კარგავს მეგობრებს.