კომედი ჯგუფის ნაწილი რუსთავი 2-ში დარჩა. ამის შესახებ ჯგუფის ერთობლივ განცხადებაშია ნათქვამი.

რუსთავი 2-ში დარჩნენ ალეკო მალხაზიშვილი, მიშა ანდღულაძე, ნიკა არაბიძე, ვახო ბიჭიკაშვილი, კობა ბარათელი და კიდევ 20-მდე მსახიობი.

"რუსთავი 2-ზე 16-წლიანი წარმატებული მუშაობის შემდეგ, კომედი ჯგუფის ერთმა ნაწილმა გადაწყვიტა, გადასულიყო მთავარ არხზე. წარმატებებს ვუსურვებთ ჩვენს მეგობრებს. გუნდის ძირითადი შემადგენლობა კი ისევ რუსთავი 2-ის ეთერში ვიტყვით ჩვენს სათქმელს, მაყურებლის საყვარელი გადაცემებით და სხვა მრავალი სიახლით. ასევე, სრული დატვირთვით დაგიბრუნდებათ (ძველ სიხშირეზე) თქვენი უსაყვარლესი კომედი არხი", — ნათქვამია განცხადებაში.

ტელეკომპანია გუშინ დატოვა იუმორისტული გადაცემა ვანოს შოუს წამყვანმა, ვანო ჯავახიშვილმა და შოუს მუსიკალური ბენდის ხელმძღვანელმა, თამუნა ლეკვეიშვილმა. ისინი ნიკა გვარამიას ახალ არხზე გადავიდნენ.