გარემოს ეროვნული სააგენტოს მონიტორინგის ახალი ეტაპის, 6 ოქტომბრის შედეგებს შორის, მშვიდობის ხიდთან და ლეონიძის N6-თან, ჰაერი ყველაზე მეტადაა დაბინძურებული.

ზღვრულად დასაშვები ერთჯერადი მაქსიმალური კონცენტრაცია მ3-ზე მტვრის ნაწილაკებისთვის არის 0,5მგ/მ3, ხოლო გარემოს დაბინძურების ექსპრეს-ლაბორატორიის კვლევის მიხედვით, მშვიდობის ხიდთან მათი რაოდენობა 0,510მგ/მ3-ია, ლეონიძის N6-თან კი - 0,520მგ/მ3.

კვლევის თანახმად, დაბინძურებული ჰაერის ზედა ზღვართან მიახლოვებული მაჩვენებელია ჩუბინიშვილის N52-თან, ვაჟა-ფშაველას გამზ. N5-თან, ჭონქაძის ქ.N22-თან, ვარკეთილი-3, I მკრ-თან და ხუდადოვის N68-სთან.

კვლევა 28 სექტემბერს დაიწყო და თბილისში, თბილისის გარეუბნებში, მცხეთასა და რუსთავში ჩატარდა.

სპეციალისტებმა დაადგინეს ნარშირორჟანგის, აზოტის დიოქსიდის შემცველობა კვადრატულ მეტრზე, ასევე ელექტრო-მაგნიტური გამოსხივება კვადრატულ სანტიმეტრზე და ხმაურის დონე დეციბალებში.