საქართველოს ექს პრეზიდენტის, მიხეილ სააკაშვილის განმარტებით, ერთიანი ნაციონალური მოძრაობის ცალკეული წევრების პარტიიდან დროდადრო ხმაურიანი გასვლა ბიძინა ივანიშვილის თამაშს უკავშირდება.

სააკაშვილს მიაჩნია, რომ ენმ-ს წევრების მიერ საპარლამენტო ფრაქციის დატოვება ყურადღების გადასატანად და ენმ-ს მრავალრიცხოვან მხარდამჭერებში დაბნეულობის შესატანად კეთდება:

"ივანიშვილი დარწმუნდა, რომ ენმ-ს ვერც განადგურება და ვერც ჩამოშლა შეძლო. ამიტომ, ის ფინანსური და სხვა ბერკეტების გამოყენებით, ცალკე აღებული პიროვნებების გამოყოფითა და მათთვის ახალ-ახალი მოძრაობების დაფინანსებით, მთავარი ოპოზიციური ცენტრის ნიველირებას ცდილობს".

საქართველოს ყოფილს პრეზიდენტი დარწმუნებულია, რომ, მომხდარის მიუხედავად, ენმ არჩევნებამდე დარჩენილ დროში უფრო გაძლიერდება და ივანიშვილს დაამარცხებს. მისი თქმით ენმ-ს ამ ეტაპზე ახალი და საინტერესო ლიდერები ემატებიან:

"უახლოეს დღეებში ძირფესვიანად განვიხილავთ განახლებულ საპარლამენტო სიას. შემდეგ კი მას ჩვენს აქტივისტებს, მხარდამჭერებსა და მთლიანად საქართველოს წარვუდგენთ. მჯერა, რომ ამ ახალი ძალებით, განახლებული და გაძლიერებული სიით ენმ დამაჯერებელ გამარჯვებას მოიპოვებს".

დღეს საქართველოს პარლამენტის წევრმა ენმ დატოვა და წასვლის მიზეზად პარტიის მიერ დახურული კაბინეტური მმართველობის სისტემა დაასახელა. მისი თქმით, ენმ მხოლოდ მისი ერთი მცირე ჯგუფის ინტერესებს ემსახურება:

"ამ კაბინეტურ მმართველობას აქვს თავის სახელები და გვარები: გიგა ბოკერია, მიშა მაჭავარიანი, ხათუნა გოგორიშვილი, გოკა გაბაშვილი და მათ ფასადად ქცეული დავით ბაქრაძე".

როგორც ვაშაძემ განმარტა, ის ახალი მოძრაობის შექმნას აპირებს.