აჭარაბეთის არაორდინალური პროექტი, რომელმაც ბოლო ერთი თვის განმავლობაში ინტერნეტსივრცე დაიპყრო, გუშინ ოფიციალურად დასრულდა.

მხიარული პროექტი არიქა ბოლო ერთი თვის განმავლობაში ყოველ ორ დღეში ერთხელ იმართებოდა. პროექტის ფარგლებში აჭარაბეთმა ფეისბუქზე 15 სახალისო ლაივი მოაწყო — კუების რბოლა, იდუმალი საზამთრო, თხილის ჭყლეტა, ნაღვლიანი სანთლები და ა.შ.


მომხმარებლებს კი აქტივობებზე ფსონების დადება უფასოდ შეეძლოთ. მათ უნდა ევარაუდათ, მაგალითად, რომელი ფერის სანთელი ჩაიწვებოდა პირველად, ან რამდენი კურკა აღმოჩნდებოდა საზამთროში. გუშ კი ლისის ტბაზე პროექტის საბოლოო გათამაშება გაიმართა. მოთამაშეებს ფსონი უნდა დაედოთ და გამოეცნოთ, თუ რამდენი ჰელიუმის ბუშტი მოახერხებდა არიქას ლოგოს ჰაერში აწევას.

არიქას ლოგოს ჰაერში აწევას 690 ბუშტის ერთობლივი ძალისხმევა დასჭირდა, გამარჯვებული კი მომხმარებელი REPRUA აღმოჩნდა. მას საჩუქრად იაპონიაში რაგბის მსოფლიო ჩემპიონატის საგზური გადაეცემა. 50 ადამიანი კი კამპანია გაატარე ზაფხული საქართველოს ფარგლებში საქართველოს სხვადასხვა კურორტზე დასასვენებელ საგზურს მიიღებს.

"ამ პროექტის შედეგად ცხადი გახდა, რომ თამაში ყველაფრით შეიძლება. ერთი შეხედვით, შესაძლოა, კუების შეჯიბრი ან საზამთროში კურკების დათვლა მოსაწყენი იყოს, თუმცა საკმარისია პროგნოზი გააკეთო და ნებისმიერი რამ საინტერესო ხდება. ამის გამო, ერთ-ერთ ლაივში, ადამიანებმა ნახევრი საათი უყურეს იმას, თუ როგორ ცივდებოდა ჩაი ჭიქაში", — აცხადებენ აჭარაბეთის კრეატიულ გუნდში.

აჭარაბეთის სახალისო პროექტში ჯამში ათასობით მომხმარებელი ჩაერთო. პროექტისთვის ჯგუფმა არამ სიმღერაც დაწერა. გათამაშება კი ამავე ჯგუფის კონცერტით დასრულდა.