სულ ცოტა ხნის წინ, ბრედ პიტის მონაწილეობით ახალი ფილმის, Ad Astra-ს მორიგი ტრეილერი გამოვიდა. ფილმში ასევე შეხვდებით ტომი ლი ჯონსსა და ლივ ტაილერს.

ფილმის მთავარი გმირი (ბრედ პიტი) მზის სისტემის შორეულ კიდეში დაკარგული მამის (ტომი ლი ჯონსი) საპოვნელად და იმ საიდუმლოს ამოსახსნელად მიემგზავრება, რომელიც ჩვენი პლანეტის გადარჩენას საფრთხეს უქმნის. მის წინაშე ახალი გამოწვევა ჩნდება, რომელიც კაცობრიობის არსებობას კოსმოსში კითხვის ნიშნის ქვეშ აყენებს.

ფილმის გადასაღებ ლოკაციებს შორისაა ლოს ანჯელესში არსებული მოჰავეს უდაბნო, რომელიც მარსის სცენების გადასაღებად გამოიყენეს. როგორც ჩანს ილონ მასკის მოყვარულებს ახალი ვიზუალური გამოცდილება ელით.

ფილმის მსოფლიო პრემიერა 20 სექტემბერს შედგება, თუმცა მანამდე მას ვენეციის კინო-ფესტივალზე აჩვენებენ, რომელიც მომავალ კვირას იწყება.