საქართველოს პრემიერ-მინისტრი, მამუკა ბახტაძე არ პასუხობს კითხვას დატოვებს თუ არა ის თანამდებობას. სამთავრობო ცვლილებების შესახებ TV პირველი რამდენიმე დღე ინფორმაციას ავრცელებს.

არხი თავის წყაროზე დაყრდნობით იუწყება, რომ პრემიერის თანამდებობას შინაგან საქმეთა მინისტრი, გიორგი გახარია დაიკავებს. მათივე ინფორმაციით, გახარიას ადგილს კი ირაკლი ღარიბაშვილი დაიკავებს, რომელიც ერთხელ უკვე იყო შს მინისტრი.

სამთავრობო ცვლილებებზე დღეს, 16 აგვისტოსაც ჰკითხეს პრემიერ-მინისტრს, მან კი ასე უპასუხა:

"მე ვიყავი, ვარ და ვიქნები ქართული ოცნების წევრი. მეორე, რაც შეეხება ცვლილება, ჩვენ ვართ ერთი გუნდი და ეს არის ცოცხალი პროცესი. ჩვენ გვაქვს პროგრამა, რომელიც გვაქვს პარლამენტში წარდგენილი და რომელიც განახლდება, შესაბამისად, გუნდის დაკომპლექტებაზე დამოკიდებული. ჩვენ ვართ ორიენტირებული შედეგებზე..."