ამერიკელი იუთუბერის ვიდეოში სადაც ცხოველზე შესაძლო ძალადობის ფაქტია ასახული, ლოს ანჯელესის პოლიცია დაინტერესდა.

საქმე ის არის, რომ იუთუბერმა, რომელსაც არხზე 340 ათასზე მეტი გამომწერი ჰყავს, დამონტაჟებულის ნაცვლად, დაუმონტაჟებელი კადრები ატვირთა, სადაც კარგად ჩანს თუ როგორ უსწორდება ფიზიკურად საკუთარ დობერმანს.

ვიდეო, რომელმაც მნახველებში დიდი აღშფოთება გამოიწვია მალევე წაიშალა, თუმცა, ადამიანებმა მოახერხეს მისი გადაღება და შესაძლო დანაშაულის ფაქტი, მთელს ინტერნეტს ვირუსივით მოედო.

მიუხედავად იმისა, რომ პოლიციამ უკვე გამოძიებაც დაიწყო, გოგო უარყოფს, რომ ცხოველზე ძალადობდა და აღნიშნავს, რომ ვინც იცნობს, ყველამ კარგად იცის, თუ როგორ უყვარს თავისი ძაღლი.

"მინდა განვმარტო, რომ მე არ ვარ ცხოველებზე მოძალადე და არასდროს არ ვძალადობ ჩემს ძაღლზე", — ამბობს იუთუბერი. უცნაურია, კადრები, რომელიც იუთუბზე საკუთარი ხელით ატვირთა, სრულიად საპირისპიროს გვიჩვენებს.