შინაგან საქმეთა სამინისტრომ თბილისში, ცეცხლსასროლი იარაღის უკანონო შეძენა-შენახვის ბრალდებით 1982 წელს დაბადებული პირი დააკავა.

გამოძიების ინფორმაციით, სამართალდამცავებმა დაკავებულის საცხოვრებელი სახლის ჩხრეკისას ნივთმტკიცებად "ნაგანის" მოდელის პისტოლეტი ამოიღეს.

საქმეზე გამოძიება საქართველოს სისხლის სამართლის კოდექსის 236-ე მუხლის მე-3 ნაწილით მიმდინარეობს. დანაშაული 3-იდან 6 წლამდე პატიმრობას ითვალისწინებს.