როგორც ჩანს, Baby Driver-ის სიქველი თანდათან უფრო გვიახლოვდება. ანსელ ელგორტმა ცოტა ხნის წინ MTV News-თან საუბრისას განაცხადა, რომ ედგარ რაითს ახალი ფილმის სცენარი უკვე მზად აქვს და მას ფილმის სახელიც კი გაუზიარა. თუმცა მსახიობი პროექტის დეტალებს არ ასაჯაროებს.

Baby Driver ეკრანებზე 2017 წელს გამოვიდა და ცნობილ რეჟისორს, მსოფლიოს მასშტაბით $226 მილიონი მოუტანა. ამ ეტაპზე ეს მისი ყველაზე მაღალშემოსავლიანი ფილმია. გამოცემა Empire-სთან საუბრისას რეჟისორმა თქვა, რომ პირველი ფილმის გამოსვლის შემდეგ სონის დისტრიბუტორებმა მეორე ფილმის გადაღებაზე საუბარი მოუთმენლად დაიწყეს, რაც რეჟისორის აზრით ურიგო არ იქნება.