მედიასაშუალებით გავრცელებული კადრების მიუხედავად, სადაც ჩანს, რომ დამიზნებით ესვრიან ჟურნალისტებს, შინაგან საქმეთა მინისტრის მოადგილე, კახა საბანაძე საპირისპიროს ამტკიცებს. ამ საკითხზე ინტერვიუ საბანაძემ კვირის პალიტრას მისცა.

"რაც შეეხება ჟურნალისტებს, კი, დაშავდნენ, მაგრამ მათ წინააღმდეგ მიზანმიმართული ქმედება არ ყოფილა... როცა აქციის დაშლა იწყება, ხშირად შეუძლებელია გამიჯნო ჟურნალისტი მომიტინგეებისგან, როცა ის ექცევა საერთო მასაში", — განმარტა საბანაძემ.

ფოტო: ფოტო ვიდეოდან / რუსთავი 2

საბანაძე ამბობს, რომ 20 ივნისის აქციის დაშლის დროს "მშვიდობიანი მომიტინგე, ძირითადად, არ დაშავებულა". თუმცა აქციის დაშლის დროს ორმა მოქალაქემ თვალი დაკარგა, მინიმუმ 160 ადამიანი დაშავდა, საიდანაც მინიმუმ 30 ჟურნალისტი იყო.