პარიზში სამხედრო აღლუმით ბასტილიის აღების დღე აღნიშნეს

პარიზში სამხედრო აღლუმით 14 ივლისს ბასტილიის ციხის აღების დღე აღნიშნეს. ბასტილიის ციხის აღება 1789 წლის საფრანგეთის რევოლუციის სიმბოლოა.

ქალაქის ცენტრში, შანზ-ელიზეს მოედანზე სამხედრო აღლუმი პრეზიდენტმა, ემანუელ მაკრონმა გახსნა. აღლუმში ოთხი ათასზე მეტმა სამხედრო პირმა მიიღო მონაწილეობა.

სიტყვით გამოსვლისას პრეზიდენტმა ღონისძიების სპეციალურ სტუმრებს, ევროპელ ლიდერებს მიმართა და ევროპული კავშირის ფარგლებში სამხედრო თანამშრომლობის გაძლიერებისკენ მოუწოდა.

აღლუმს ესწრებოდნენ გერმანიის კანცლერი ანგელა მერკელი, ნიდერლანდების პრემიერ-მინისტრი მარკ რიუტე, პორტუგალიის პრეზიდენტი მარსელო რებელო დე სოუზა, ევროკომისიის პრეზიდენტი ჟან-კლოდ იუნკერი, ნატოს გენერალური მდივანი იენს სტოლტენბერგი და სხვები.