ახალციხის მერიამ ახალი წლის დადგომამდე ექვსი თვით ადრე ნაძვის ხის შესაძენად ტენდერი გამოცხადა. მუნიციპალიტეტი 15-მეტრიან ნაძვის ხეში 60 ათასი ლარის გადახდას გეგმავს.

მერიის პრესსამსახურში On.ge-ს განუცხადეს, რომ ბაზრის მოკვლევის შედეგად დაადგინეს, რომ ახალ ნაძვის ხის ყიდვა გაცილებით იაფი ჯდება, ვიდრე ზამთარში.

ტენდერის პირობების მიხედვით, კომპანიამ მერიას ნაძვის ხე ხელშეკრულების გაფორმებიდან 70 დღეში უნდა მიაწოდოს და პირველიდან 20 დეკემბრამდე დადგას.