თბილისის მათავარ გამზირზე უკვე 12-ე დღეა მასშტაბური საპროტესტო აქცია #სირცხვილია მიმდინარეობს, რომელიც 20 ივნისის შემდეგ, ყოველ მომდევნო დღეს 19:00 საათზე იწყება.

როგორც ამას აქციის მონაწილეები ამბობენ ისინი არ დაიღლებიან "საქართველოს სამსახურში" სიარულით, მანამ, სანამ მათი სამი მთავარი მოთხოვნა არ დაკმაყოფილდება — 20 ივნისს დაკავებული აქტივისტების გათავისუფლება, რომელიც უკვე დაკმაყოფილდა, პროპორციული საარჩევნო სისტემა, რომელიც ასევე დაკმაყოფილდა და მესამე, შინაგან საქმეთა მინისტრის გადადგომა, რომლის არ შესრულების გამოც, აქციები დღემდე არ წყდება.

ბოლო დროს თბილისში განვითარებულ მოვლენებს კი უამრავი ჟურნალისტი და ფოტოგრაფი აშუქებს, რომლებმაც მოახერხეს და გამორჩეულად საინტერესო და ემოციური პოსტერებით "შეიარაღებული" აქციის მონაწილეები კადრზე აღბეჭდეს.

ნახეთ 20 ყველაზე ორიგინალური პოსტერი აქციიდან #სირცხვილია:

"დღეს ჩემი დღის დაბადების დღეა და აქ იმიტომ ვდგავარ, რომ ვაჩუქო მშვიდობა და თავისუფლება! გილოცავ ელენე!"

"Big bidzina is Watching You"

"წავიყვან ამათ მოსკოვში და მოვალ"

"ნუ მაბრმავებ!"

"გახარია არ ამაყენო!"

"ვდგავარ საქართველოს სამსახურში"

"WE ARE ANGRY"

"ნუ გვესვრი! ჩვენც თქვენი შვილები ვართ!"

"ჩამიკარი თვალი გიუშ"

"ოკუპაცია ცალი თვალითაც ჩანს"

"დავიღლებით არა პუტინი"

"Russia is an OCCUPIER"

"დათვის ტყვია ჩრდილოეთის დათვს! თავისუფლება ქართველ ხალხს!"

"Putin გამოექანე კრემლიდან!"

"ჩემი ხატია სამშობლო, არ გაქვთ უფლება ის შეურაცხყოთ!!!"

"ავსა და კარგსა კაცისას, როდი ივიწყებს სოფელი"

"ვაი ჩემი საფეიქრო, ვაი ჩემი მასრა-მაქო, მე იმ კაცის დედა ... , ვინც პირველად რუსი აქო"

"ბიძო, 10-ზე შენი ნებით იძინებ თუ პუტინი მამიკომ დანიშნა წიხი ჩასი"

"გახარია ბოდიში, ... ლოგინში"

"არა ოკუპაციას"

20 ივნისის აქცია

რუსი დეპუტატის, სერგეი გავრილოვის მიერ სკამის დაკავებას საპროტესტო ტალღა მოჰყვა პარლამენტის წინ. მოქალაქეებმა ანტისაოკუპაციო აქციები მოაწყეს. დღის ბოლოს კი პარლამენტის წინ შეიკრიბნენ. ოპოზიციის წევრები ითხოვდნენ ირაკლი კობახიძის, ვახტანგ გომელაურისა და გიორგი გახარიას გადადგომას.

აქციის მონაწილეების ნაწილმა პარლამენტში შესვლა სცადა და ცენტრალურ გამზირზე მობილიზებულმა სპეცრაზმმა მათი დაშლა დაიწყო. სამართალდამცავებმა მოქალაქეების წინააღმდეგ რეზინის ტყვიები, ცრემლსადენი გაზი და წყლის ჭავლი გამოიყენეს. აქციის დაშლის დროს კლინიკებში 240 მოქალაქე გადაიყვანეს, რომელთაგან 80 სამართალდამცავი იყო. დაშავებულებიდან 2-მა თვალი დაკარგა, მათ შორის 18 წლის გოგომ. დაზიანებები მიიღეს 30-ზე მეტმა ჟურნალისტმა, მათ შორის იყვნენ On.ge-ს სამი თანამშრომელი.

შინაგან საქმეთა სამინისტრომ სხვადასხვა სამართალდარღვევისთვის ჯამში 305 ადამიანი დააკავა. საქმეზე გამოძიება სისხლის სამართლის კოდექსის 225-ე მუხლით, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს.