დღეს, პირველ ივლისს თბილისში 4 სხვადასხვა ლოკაციაზე საპროტესტო აქციები მიმდინარეობს. მათგან 3 ახალგაზრდების საინიციატივო ჯგუფის პერფომანსია, რომელსაც ერთი მოთხოვნა აქვს: გიორგი გახარიას გადადგომა.

პერფომანსი მარჯანიშვილისა და რესპუბლიკის მოედებზე და სახელმწიფო უსაფრთხოების სამსახურის შენობასთან იმართება.

მარჯანიშვილის მოედანი

სამივე ლოკაციაზე აქტივისტები ზებრაზე გადასვლისას რამდენიმე წამით ჩერდებიან და მანქანების მიმართულებით სკანდირებენ: გახარია უნდა წავიდეს, გახარია წადი.

ფოტო: გვანცა ნემსაძე / On.ge

ისინი მოუწოდებენ ხალხს შეუერთდნენ 7-საათიან აქციას პარლამენტთან. მათ უჭირავთ ბანერები "გახარია ჯალათი", "რუსეთუმე გახარია".

სახელმწიფო უსაფრთხოების სამსახური

ფოტო: ირაკლი კუნჭულია / On.ge

რესპუბლიკის მოედანი

ფოტო: სალომე ჩიკვილაძე / On.ge

მეოთხე აქციას კი შერატონთან მოძრაობა #სირცხვილიას აქტივისტები მართავენ. პარალალურად შერატონში პროპორციული საარჩევნო სისტემის პრეზენტაცია მიმდინარეობს.

ამავე თემაზე: