თბილისის მერია ერთიან ეროვნულ გამოცდებთან დაკავშირებით 1 ივლისიდან 24 ივლისის ჩათვლით, 06:00 საათიდან 20:00 საათამდე 5 სპეციალურ დროებით მარშრუტს დააწესებს.

მერიის მიერ გავრცელებულ განცხადებაში ნათქვამია, რომ ავტობუსები საგამოცდო დღეებში იმოძრავებენ და მგზავრებს სტანდარტული ტარიფით — 50 თეთრად მოემსახურებიან.

აღნიშნული მარშრუტებია:

  • მეტროსადგური ახმეტელის თეატრი — #175 საჯარო სკოლა.

ავტობუსი მოძრაობას დაიწყებს გობრონიძის ქუჩიდან, მოუხვევს დუმბაძის გამზირზე და მგზავრებს მუხიანის მე-3 მ/რ-ში #175 საჯარო სკოლასთან მიიყვანს, იგივე მარშრუტს გაივლის უკუმიმართულებითაც.

  • მეტროსადგური ახმეტელის თეატრი — #39, #173 და #177 საჯარო სკოლები.

ავტობუსი ხიზანიშვილის ქუჩიდან მარჯვნივ შეუხვევს ნანეიშვილის ქუჩაზე, გაივლის #39 და #173 საჯარო სკოლებს და კეცხოველის ქუჩით #177 საჯარო სკოლასთან მივა. ავტობუსი მეტრო ახმეტელთან ნანეიშვილისა და ბოჭორიშვილის ქუჩების გავლით დაბრუნდება.

  • მეტროსადგური ვარკეთილი — #117 საჯარო სკოლა.

ავტობუსი გაივლის ჯავახეთის ქუჩას, მობრუნდება ვარკეთილის ხიდებამდე, მარჯვნივ შეუხვევს შუამთის ქუჩაზე და მოძრობას #117 საჯარო სკოლასთან დაასრულებს. უკუმიმართულებით კი, შუამთის, კალოუბნისა და ჯავახეთის ქუჩების გავლით კვლავ მეტრო ვარკეთილთან დაბრუნდება.

  • მეტროსადგური სამგორის ზედა გასასვლელი — #103 საჯარო სკოლა.

ავტობუსი მოძრაობას მეტრო სამგორის მიმდებარედ კახეთის გზატკეცილიდან დაიწყებს, შეუხვევს კაკაბეთის ქუჩაზე და მგზავრებს ყვარლის მოედანზე #103 საჯარო სკოლასთან მიიყვანს. უკუმიმართულებით ავტობუსი კაკაბეთისა და რამიშვილის ქუჩების გავლით, კახეთის გზატკეცილზე დაბრუნდება და მოძრაობას მეტრო სამგორის ზედა გასასვლელთან დაასრულებს.

  • მეტროსადგური დიდუბე — #147 საჯარო სკოლა.

ავტობუსი წერეთლის გამზირიდან რობაქიძის გამზირზე გადავა და პაიჭაძის ქუჩაზე ჩაუხვევს. ავტობუსი უკუმიმართულებით იგივე მარშრუტს გაივლის.

ხვალ, 1 ივლისს საქართველოს მასშაბით ეროვნული გამოცდები იწყება.

გაიგე მეტი: