შურისმაძიებლების ვარსკვლავი პოლ რუდი სონისთან საბოლოო მოლაპარაკებებს აწარმოებს და სავარაუდოდ მას ახალ ფილმში, მოჩვენებებზე მონადირეებში ვიხილავთ. ინფორმაცია ოფიციალურად დადასტურებული არ არის, თუმცა გამოცემა Variety-ს წყარო ამბობს, რომ ის მასწავლებლის როლს შეასრულებს.

რეჟისორის სავარძელს ჯეისონ რიტმანი მოირგებს, რომელიც პირველი ორიგინალი ფილმის - მოჩვენებებზე მონადირეების რეჟისორის შვილია. რიტმანმა პროექტზე ჯილ კენანთან ერთად თანასცენარისტადაც იმუშავა და ფილმის გადაღებას ამ წლის ზაფხულში აპირებს.

პოლ რუდთან ერთად მუშაობა მას შემდეგ მინდოდა, რაც ჩემი მოკლემეტრაჟიანი ფილმი სველი და ცხელი ამერიკული ზაფხული სანდენსის კინოფესტივალზე აჩვენეს. აღტაცებული ვარ იმით, რომ ის მოჩვენებებზე მონადირეების სამყაროს ახალი თავის შექმნას შემოუერთდება.

თქვა ჯეისონ რიტმანმა.

ფილმის ოფიციალური სახელი მოჩვენებებზე მონადირეები 2020 იქნება და მისი პრემიერა 2020 წლის ზაფხულში შედგება.

სონი სიუჟეტის დეტალებზე კომენტარისგან თავს იკავებს, თუმცა შიდა ინფორმაციით ამბავი ორიგინალი ფილმის გაგრძელება იქნება და მისი მთავარი გმირები მარტოხელა დედა და მისი ოჯახი იქნებიან. ჯერჯერობით უცნობია, თუ როგორ დაუკავშირდება ახალი ამბავი ძველს.

ახალი სიქველის პროდიუსერი ორიგინალი ფილმის რეჟისორი, ივან რიტმენი იქნება.