შინაგან საქმეთა მინისტრის, გიორგი გახარიას თქმით, მომიტინგეები აქციის დაშლის შესახებ გაფრთხილებულები იყვნენ მაშინ, როცა აქციის დაშლა დაიწყო. მისივე განმარტებით, პროტოკოლური და პროცედურული მხარე დაცული იყო.

"მთავარი არის ის, რომ ჩვენი მოქალაქე, რომელიც გამოთქვამდა პროტესტს, დაუპირისპირდა პოლიციას, ამაზე პოლიტიკური პასუხისმგებლობა უნდა აგოს ყველამ, ვინც ამაში მიიღო პირდაპირი ან ირიბი მონაწილეობა, როგორც ხელისუფლების მხრიდან, ისევე, იმ ადამიანების მხრიდან, რომლებიც ამ გზით ცდილობდნენ ხელისუფლების შეცვლას. პირველ რიგში, ხელისუფლების პასუხისმგებლობა, არის იმაში, რომ მსგავსი ძალადობრივი ფაქტები არ მიიყვანოს, არ დაუშვას ძალადობრივად შეჭრა", — განაცხადა მინისტრმა.