სიუზან კოლინსმა შიმშილის თამაშების პრიქველ ნოველა დაწერა, რომელსაც ამ ეტაპზე სახელი არ აქვს, მას გამომცემლობა Scholastic 2020 წლის მაისში გამოუშვებს.

პრიქველში მოქმედება შიმშილის თამაშების მეათე სეზონის პირველ დღეს იწყება, ეს ყველაფერი კი ჩვენთვის ნაცნობი ორიგინალი ტრილოგიის მოვლენებამდე, 64 წლით ადრე ხდება.

ამ წიგნით მინდოდა გამომეკვლია ბუნებრივი მდგომარეობა, თუ ვინ ვართ და რა არის საჭირო ჩვენი გადარჩენისთვის. ომის შემდგომი რეკონსტრუქციის 10 წელი შავ დღეებად არის ცნობილი. პანემი წვალობს, რომ ფეხზე დადგეს. ეს ყველაფერი კი შესაბამის გარემოს ქმნის პერსონაჟებისთვის, რომლებმაც ამ კითხვებს პასუხები უნდა გასცენ და კაცობრიობაზე საკუთარი შეხედულებები ჩამოაყალიბონ.

ამბობს სიუზან კოლინსი.

კომპანია Lionsgate-მა წიგნების მიხედვით ოთხი ფილმის ადაპტაცია გააკეთა, რომლებშიც ჯენიფერ ლოურენსი კატნისის როლს ასრულებს. ჯამში ოთხივე ფილმმა 3 მილიარდი დოლარი შეაგროვა.

Lionsgate-ის ერთერთმა თავმჯდომარემ ჯო დრეიკმა კი თქვა:

ჩვენი კომპანია შიმშილის თამაშების ფილმების სახლია და შესაბამისად ძალიან დიდი ინტერესით ველოდები სუზანის შემდეგი წიგნის გამოქვეყნებას. წერის პროცესში მასთან კომუნიკაცია გვქონდა და მასთან ძალიან ახლო თანამშრომლობას ვაპირებთ ახალი ფილმის გადასაღებად.