თბილისის დამწვრობის ცენტრში 21 წლის გოგო ლეღვის ნახარშის დამწვრობით მოათავსეს. როგორც ცენტრის ხელმძღვანელი, გუგა ქაშიბაძე პირველ არხთან ამბობს, გოგოს სხეულის 25 პროცენტზე მეორე-მესამე ხარისხის დამწვრობა აქვს მიღებული. მისივე თქმით, დამწვრობა ფეხების წინა და გვერდით ზედაპირზეა.

"ორი კვირის განმავლობაში დასჭირდება მკურნალობა, რადგან ლეღვის ნახარშის ასეთ დამწვრობას სერიოზული ინტოქსიკაცია ახლავს თან... მინდა კიდევ ერთხელ გავაფრთხილო მოსახლეობა, რომ ლეღვის ფოთელბით ვერანაირ რუჯს ვერ მიიღებენ, მარტო დამწვრობის ცენტრს მოინახულებენ", — აღნიშნა გუგა ქაშიბაძე.