საქართველოს პარლამენტის წევრი, თინა ბოკუჩავა მიიჩნევს, რომ მისი ოპონენტები უმრავლესობიდან შინაგან საქმეთა მინისტრის მონები არიან. ასე მიმართა მან ქართული ოცნების წევრებს კომიტეტის სხდომაზე, სადაც ნაციონალური მოძრაობის წევრის ნიკა მელიასთვის იმუნიტეტის შეჩერების საკითხზე მსჯელობენ.

"რეალურად, დღეს ამ პარლამენტში შედგა მონობა... ამათ მაგივრად მრცხვენია, რომ არიან სამარცხვინო მონები", — უთხრა ნაციონალური მოძრაობის წევრმა, თინა ბოკუჩავამ ქართული ოცნების წევრებს.

20 ივნისის აქციაზე ძალადობრივი ჯგუფის ხელმძღვანელობისა და მასში მონაწილეობის ბრალდებასთან დაკავშირებით გუშინ, 25 ივნისს პროკურატურაში ბრიფინგი გაიმართა. უწყებაში ნაციონალური მოძრაობის ლიდერის, ნიკა მელიას წინააღმდეგ მიმდინარე საქმეზე ისაუბრეს. პროკურორის თქმით, მათ მიმართეს პარლამენტს, რათა მიიღონ ნებართვა დეპუტატის დაკავებაზე. მელიას იმუნიტეტი იცავს და მის დასაკავებლად პარლამენტის თანხმობაა საჭირო.