პარლამენტის თავმჯდომარე ირაკლი კობახიძე ამბობს, საზოგადოების პროტესტი არა რუსი დეპუტატების პარლამენტში შესლვას, არამედ მისი სკამის დაკავებას მოყვა. კობახიძის თქმით, რუსი დეპუტატები პარლამენტის შენობაში ეუთოს საპარლამენტო ასამბლეის დროსაც იყვნენ, მაგრამ მაშინ ამ საკითხს ვნებათაღელვა არ მოყოლია, ახლა კი სპეკულაციებისთვის იყენებენ.

"ესეც არ იქნებოდა ვნებათაღელვის საგანი.... აქ ვნებათაღელვა სამართლიანად მოყვა იმას, რომ რუსეთის დუმის დეპუტატმა დაიკავა უმაღლესი ადგილი პარლამენტის სხდომათა დარბაზში", — ამბობს კობახიძე.

დღეს, 20 ივნისს რუსეთის დუმის დეპუტატმა და კომუნისტური პარტიის წევრმა, სერგეი გავრილოვმა პარლამენტის თავმჯდომარის დარბაზი დაიკავა, რასაც ოპოზიციისა და სამოქალაქო საზოგადოების პროტესტი მოყვა. მმართველმა პარტიამ განაცხადა, რომ ასამბლეა ვეღარ გაგრძელდება პარლამენტში და ნეიტრალურ ადგილს შეარჩევენ. ოპოზიციამ ირაკლი კობახიძის გადადგომა მოითხოვა.