მართლმადიდებელი საპარლამენტთაშორისო ასამბლეის წარმომადგენლებმა პარლამენტში მიმდინარე კონფერენცია შეწყვიტეს და შენობა დატოვეს. მათი თქმით, კონფერენცია სხვა ადგილას გაგრძელდება.

გავრცელდა ინფორმაცია, რომ კონფერენციის წევრები სასტუმრო რადისონში იმყოფებიან. On.ge სასტუმროს დაუკავშირდა, სადაც თქვეს, რომ აღნიშნული ინფორმაცია კონფიდენციალურია და გასაჯაროების უფლება არ აქვთ.

სოციალურ ქსელში ვრცელდება ფოტოები, სადაც ჩანს, რომ კონფერენციის მონაწილეთა ტრანსპორტო სასტუმროს წინ არის გაჩერებული.