ჰომოფობიური კონტრაქციის მონაწილე მღვდლებმა რამდენიმე წუთის წინ თქვეს, რომ ტერიტორიას მანამ არ დატოვებდნენ, სანამ აქციის მონაწილე აქტივისტები კანცელარიის მიმდებარედ იქნებოდნენ. თუმცა, მათ გადაიფიქრეს და ტერიტორიას ტოვებენ.

მამა დავით ისაკაძემ განაცხადა, რომ ტერიტორიაზე მხოლოდ აქტივისტი ნატა ფერაძე რჩება და მის გამო აქციაზე დარჩენა არ ღირს.

"წადი ქალო წადი, შე უპატრონო, შედი ქალო კუხნაში, შედი", —მიმართავდნენ კონტრაქციის მონაწილეები ნატა ფერაძეს.

თბილისი პრაიდის ორგანიზატორების აქცია საათზე მეტია, რაც დასრულდა. აქტივისტების წასვლის შემდეგ კონტრაქციის მონაწილეები პოლიციას დაუპირისპირდნენ, რამდენიმე მათგანი დააკავეს.