ქართული ოცნების მიერ მომზადებული საკანონმდებლო ინიციატივის თანახმად, საქართველოს ვიზის გაცემის პროცედურის ღირებულება იცვლება და ის 20-დან 500 აშშ დოლარამდე განისაზღვრება.

შესაბამისი შესწორებები "საკონსულო მომსახურების შესახებ" კანონში შედის, რომელსაც პარლამენტი დაჩქარებული წესით განიხილავს. პროექტის მიხედვით, ვიზის გაცემის კონკრეტულ ტარიფებს, ისევე როგორც დაჩქარებული სერვისის საფასურს, მთავრობა საკუთარი დადგენილებით დაამტკიცებს.