ფრანსუა ოზონმა ალბერ კამიუს უცხოს მიხედვით ფილმი გადაიღო. ფილმის სიუჟეტი 1930-იან წლებში ვითარდება და მოგვითხრობს ალჟირში მცხოვრებ ფრანგ კაცზე, მერსოზე, რომელიც უჩვეულო გარემოებებში აღმოჩნდება.

ფოტო: Medium

დედის გარდაცვალებით არცთუ ისე შეშფოთებული მერსოს ცხოვრება, მეტ-ნაკლებად, ჩვეულებრივია მანამ, სანამ მას ერთ მშვენიერ ცხელ დღეს, სანაპიროზე მზის სხივი არ შეაწუხებს.

ფრანგი მწერლის, ალბერ კამიუს, რომანი 1942 წელს დაიბეჭდა და დღემდე მიჩნეულია ერთ-ერთ საუკეთესო ნაწარმოებად, რომელიც ეგზისტენციალიზმის იდეებს ასახავს. თავად კამიუ ეწინააღმდეგებოდა იმ აზრს, რომ მისი ნაწარმოებები ეგზისტენციალიზმს მიეკუთვნებოდა. ნაცვლად ამისა, მწერალი აღნიშნავდა, რომ მისი შემოქმედება უფრო ახლოს იყო აბსურდიზმთან.

ჟან-პოლ სარტრი და ალბერ კამიუ.

ფოტო: Getty Images

რაც შეეხება ფილმს, მასში ისეთ მსახიობებს ვიხილავთ, როგორებიც არიან — ბენჯამინ ვოისინი, რებეკა მარდერი, პიერ ლოტონი, დენის ლავატი და სხვები.

უცხოს რეჟისორი კი ფრანგი რეჟისორი, ფრანსუა ოზონია, რომელიც 1990-იანი წლებიდან აქტიურად იღებს ექსპერიმენტულ, გამორჩეულ და, ერთი შეხედვით, უცნაურ ფილმებს. მის ფილმოგრაფიას ეკუთვნის ისეთი ნამუშევრები, როგორებიცაა — 8 Women, Swimming Pool Under the Sand, FRANTZ, Double Lover და ა.შ.

ალბერ კამიუს უცხოს მიხედვით გადაღებული ფილმის პრემიერა 2026 წლის 10 აპრილს შედგება.

ნახეთ ტრეილერი: