თბილისის საქალაქო სასამართლოში, 7 ნოემბრის საქმის განხილვაზე, საქართველოს მესამე პრეზიდენტი მიხეილ სააკაშვილი და ყოფილი პრემიერმინისტრი ზურაბ ნოღაიდელი ერთმანეთს დაუპირისპირდნენ. ვითარება მას შემდეგ დაიძაბა, რაც სააკაშვილმა მოწმის სტატუსით დაკითხულ ნოღაიდელს კითხვებით მიმართა. ინფორმაციას "ინტერპრესნიუსი" ავრცელებს.

სააკაშვილი ნოღაიდელის პუტინთან შეხვედრებითა და ბადრი პატარკაციშვილის რუსულ კავშირებით დაინტერესდა. კითხვაზე, თუ რატომ ჩავიდა ყოფილი პრემიერი რუსეთში ტერიტორიების ანექსიის შემდეგ, ნოღაიდელმა უპასუხა, რომ ურთიერთობების მოწესრიგება სურდა და სააკაშვილს რეპლიკით მიმართა: "შენ ხომ "ეკაჩავე" და "ებლატავე" [პუტინს]?"

მანდატურის სამსახურს სააკაშვილისა და ნოღაიდელის გაშველება მოუწია. ყოფილმა პრემიერმა ექსპრეზიდენტს რამდენჯერმე მიმართა: "დაეგდე მანდ!"

სააკაშვილმა ნოღაიდელს "აბსოლუტური ნაძირალა" და "მოღალატე" , პროცესს კი "პუტინის მიერ მოწყობილი სპექტაკლი" უწოდა და დარბაზი პროტესტის ნიშნად დატოვა.

ცნობისთვის, სმიხეილ სააკაშვილს 2007 წლის 7 ნოემბრის აქციის დარბევას, ტელეკომპანია "იმედში" შეჭრასა და ბადრი პატარკაციშვილის ქონების უკანონოდ დაუფლებას ედავებიან. საქმეზე ბრალდებულები ასევე არიან ვანო მერაბიშვილი, ზურაბ ადეიშვილი, დავით კეზერაშვილი და გიგი უგულავა. მუხლი 5-დან 8 წლამდე პატიმრობას ითვალისწინებს.