ოსკაროსანი რეჟისორი პედრო ალმოდოვარი "ცხოვრებისეული მიღწევებისთვის" ვენის კინოფესტივალისგან ოქროს ლომს მიიღებს.

69 წლის ესპანელ რეჟისორს კარგი წელი აქვს, მისი ფილმი ტკივილი და დიდება წლევანდელი კანის კინოფესტივალზე, ერთ-ერთი გამორჩეული იყო. გამოცემა Variety-ს კინოკრიტიკოსი, პიტერ დებრუგი ფილმს ასე აღწერს.

შესანიშნავი, ზრდასრული მეტა-ფიქცია, რომელიც ბოლომდე იკვლევს ემოციურ იარებს, რაც მისივე ფიზიკური სისუსტის ქვეშ იმალება

მთავარი როლის შემსრულებელმა, ანტონიო ბანდერასმა, რომელიც რეჟისორთან ხშირად თანამშრომლობს — როლის საუკეთესო შესრულებისთვის კანის ჯილდო მოიპოვა. ის ასაკოვან რეჟისორს თამაშობს, რომელიც თვითონ ალმოდოვარის პერსონის მიხედვით შეიქმნა.

ძალიან დიდ აღტაცებას და პატივისცემას ვგრძნობ ამ ოქროს ლომის პრიზის გამო

განაცხადა რეჟისორმა.

ალმოდოვარი მეორე ადამიანია, რომელიც ვენეციის მომავალ გამოშვებაზე ოქროს ლომს მიიღებს. პირველი კი ოსკაროსანი მსახიობი ჯული ენდრიუსი, რომლის დაჯილდოების შესახებაც მარტში გახდა ცნობილი.

პედრო ალმოდოვარის ანგარიშზე 21 ფილმია. რეჟისორის განცხადებით, მას ვენეციის კინოფესტივალთან კარგი მოგონებები აკავშირებს. სწორედ აქ შედგა მისი საერთაშორისო დებიუტი 1983 წელს, სრულმეტრაჟიანი შავი კომედიით Dark Habits. ეს პირველი შემთხვევა იყო, როდესაც მისი ფილმი ესპანეთის ფარგლებს გასცდა.