ქართული ოცნების პოლიტიკური მდივანი, გია ვოლსკი ამბობს, რომ დღეს, 9 ივნისს მთაწმინდის შუალედურ არჩევნებზე მისი ყურადღება საქართველოს ყოფილ პრეზიდენტის, გიორგი მარგველაშვილის "მკვახე" განცხადებამ მიიქცია მისი ყურადღება. ამის შესახებ მან ქართული ოცნების ოფისში გამართულ ბრიფინგზე განაცხადა. ვოლსკის თქმით, მარგველაშვილმა აშკარა მხარდაჭერა გამოხატა ერთ-ერთი კანდიდატის მიმართ, არა მხოლოდ კეთილგანწყობით, არამედ, "ძალიან უხეში თავდასხმით" ოპონენტ მხარეზე.

"ეს არ შეესაბამება არც სტატუსს ამ პიროვნების და გარკვეული ჯენტლმენური შეთანხმებაც არსებობს, რომ ასეთი აშკარა მხარდაჭერა არ იქნეს გაკეთებული", — აღნიშნა გია ვოლსკიმ.

დღეს, 9 ივნისს საარჩევნო უბანზე მისულმა ექსპრეზიდენტმა, გიორგი მარგველაშვილმა ირიბად თქვა, ვის მისცა ხმა. მან, ასევე, მოუწოდა ამომრჩეველს, რომ პასუხი გასცენ იმ "ბინძურ კამპანიას", რომელიც ამ კანდიდატის წინააღმდეგ აწარმოვეს.

"მე ხმა მივეცი ადამიანს, რომელიც წლების განმავლობაში ბრძოლის ველზე გვიცავდა მტრისგან, რომელიც სასამართლო დარბაზებში იცავდა მოქალაქეებს და მათ ინტერესებს, როდესაც ისინი ილახებოდა. მე ხმა ვიცი იმას, რომ ასეთი ადამიანი იყვნენ გამორჩეული და დაფასებულნი და მათ უნდა ჰქონდეთ მომავალი პოლიტიკაში", — განაცხადა მან.