ნაციონალური მოძრაობის ერთ-ერთმა ლიდერმა, ნიკა მელიამ განაცხადა, რომ არჩევნებში ხმა შალვა შავგულიძეს მისცა. მანვე აღნიშნა, რომ თავს "ზნეობრივ კომპრომისზე წასვლის უფლებას ვერ მისცემდა".

"ზნეობრივ კომპრომისზე წასვლაა, როდესაც ხმის მიცემა შეიძლება მოგიწიოს მურუსიძეზე. მე არაფერს არ ვერჩი ბატონ ლადო კახაძეს, პირადად ვიცნობ მას. უბრალოდ, მე ბატონი შავგულიძის მოწინააღმდეგედ საარჩევნო კამპანიაში დავინახე ყველა, გარდა რომელიმე კანდიდატისა ქართული ოცნების მხრიდან, დავინახე ბატონი მურუსიძე, რომელიც არც კი თაკილობდა დებატებში მონაწილეობის მიღებაზე ბატონ შავგულიძესთან", — განაცხადა მან.

მისი თქმით, საარჩევნო კამპანიისას "ისტორიის გაყალბებას" ცდილობდნენ და სურთ, მურუსიძე "უფრთო ანგელოზად" გამოეყვანათ, შავგულიძე კი ცუდ ადამიანად. მანვე განაცხდა, რომ შალვა შავგულიძე, რომც დამარცხდეს ეს არჩევნები მმართველი პარტიის "გედის სიმღერა" იქნება.

მთაწმინდის საარჩევნო ოლქში მეორე ტური ლადო კახაძესა და შალვა შავგულიძეს შორის იმართება. პირველ ტურში ქართული ოცნების კანდიდატმა, ვლადიმერ კახაძემ ხმების 41 პროცენტი (6 036 ხმა) მიიღო, მისმა კონკურენტმა თავისუფალი დემოკრატებისა და ევროპული საქართველოს საერთო კანდიდატმა, შალვა შავგულიძემ — 36,83% (5 422 ხმა).