ესპანურმა მოდის სახლმა Balenciaga-მ, რომლის კრეატიული დირექტორიც ქართველი დიზაინერი დემნა გვასალიაა, 2019 წლის წინასაშემოდგომო კოლექცია გამოუშვა.

ტანსაცმელი და აქსესუარები უკვე ხელმისაწვდომია ბრენდის მაღაზიებში და ონლაინ საიტზე.

კოლექცია სულ 97 მოდელითაა წარმოდგენილი. მათ შორის შეგხვდებათ რკინისქუსლიანი "შლოპანცი", რომელიც 719 ევრო ღირს, წვეტიანი ცხვირის შუზები 1 420 ევროდ, "ჭუჭყიანი" ჯინსები, კუბოკრული კოსტიუმები და შარვლები, ქამრიანი მოკლე ქურთუკები და ა.შ.

ბალენსიაგა, რომელიც კოლექციებში ძველი მოდის შტრიხების გაცოცხლების პარალელურად, თანამედროვე დეტალებსაც არ ტოვებს უყურადღებოდ, ჩვევას არც ახალ კოლექციაში ღალატობს. 2019 წლის შემოდგომის კოლექციაში როგორც მუქი, ისე ნეონური და ცოცხალი ფერებიც შეგხვდებათ.

ასე რომ, მოემზადეთ — მალე მსოფლიოს მედია ბალენსიაგას ახალ მოდელებზე დაიწყებს საუბარს, იქნება კრიტიკაც, შარჟიც, თუმცა შემოდგომაზე ვარსკვლავების უმრავლესობას სწორედ ამ კოლექციაში გამოწყობილებს ვიხილავთ.

ნახეთ სრულად: