რუსეთის პრეზიდენტის, ვლადიმერ პუტინის სანდოობის რეკორდულად დაბალი რეიტინგის შემდეგ კვლევითმა ორგანიზაციამ გამოკითხვის მეთოდი შეცვალა. ძველი მეთოდით ვლადიმერ პუტინის მიმართა სანდოობა 31,7 პროცენტი იყო, ახალი მეთოდით კი 72,3 პროცენტამდე გაიზარდა.

როგორც რადიო თავისუფლების რუსული სამსახური წერს, საზოგადოებრივი აზრის კვლევითმა ცენტრმა, რომელიც სახელმწიფო ორგანიზაციაა, დახურული კითხვა დაამატა, რომელშიც კონკრეტული სახელები და გვარებია წარმოდგენილი.

პუტინის სანდოობის დაბალმა ციფრმა უკმაყოფილება გამოიწვია კრემლში. პრეზიდენტის პრესსპიკერმა, დიმიტრი პესკოვმა სოციოლოგებს სთხოვა, რომ გაერკვიათ, როგორ ეცემოდა სანდოობის მაჩვენებელი, როდესაც საარჩევნო რეიტინგი იწევდა.

კვლევითი ცენტრის ხელმძღვანელმა, ვალერი ფიოდორმა თავდაპირველად განაცხადა, რომ პუტინის დაბალი რეიტინგი დაკავშირებულია იმასთან, რომ მოსახლეობას ცხოვრების დონის გაუმჯობესების არ სჯერა. მოგვიანებით კი განმარტა, რომ დაბალი რეიტინგი დაკავშირებულია კითხვის დასმის დროს პუტინის ხსენების სიხშირეზე იმ პოლიტიკოსებს შორის, რომელთაც მოსახლეობა ენდობა.