აშშ-ს სპეცპროკურორი რობერტ მიულერი, რომელიც საპრეზიდენტო არჩევნებში რუსეთის ჩარევას იძიებდა, გადადგა. ამის შესახებ მან პრესკონფერენციაზე განაცხადა. მიულერმა თქვა, რომ თავის ოფისს ხურავს და იუსტიციის სამინისტროს ტოვებს.

გამოძიების შედეგებზე საუბრისას მიულერმა განაცხადა, რომ არ აპირებს მის საჯაროდ განხილვას, მათ შორის კონგრესის სხდომაზე. მისივე თქმით, კონგრესში დაკითხვაზე დაბარების შემთხვევაში ახალ ინფორმაციას არ მიაწოდებს.

სპეცპროკურორმა ორწლიანი გამოძების შემდეგ დაადგინა, რომ რუსეთი 2016 წლის საპრეზიდენტო არჩევნებში ჰაკერული თავდასხმებითა და სოციალურ ქსელებში ცრუ ინფორმაციის გავრცელებით ჩაერია. ამავე დროს, მიულერმა პრეზზიდენტ დონალდ ტრამპისა და რუსეთის კავშირის დადასტურება ვერ მოახერხა.

პრესკონფერენციაზე მიულერმა ტრამპი რუსეთთან შეთქმულებაში პირდაპირ არ დაადანაშაულა, თუმცა აღნიშნა, რომ საწინააღმდეგო აზრის ქონის შემთხვევაში ამას პირდაპირ იტყოდა. მისივე თქმით, მას ჰქონდა საკმარისი მტკიცებულებები, რომ ტრამპისა და რუსეთის ფართო შეთქმულება დაემტკიცებინა.