კომპანია გალფის CSR პროექტებში უკვე მეხუთე წელია რაც განათლება პრიორიტეტულია. ამ პერიოდის მანძილზე 230-ზე მეტ სტუდენტს სრულად დაუფინანსდა სასწავლო წლის საფასური, 2018-2019 წლის მიმდინარე სემესტრში კი 32 სტუდენტი აგრძელებს სწავლას გალფის დაფინანსებით.

კომპანია გალფის გენერალური დირექტორის, გიორგი დევაძის თქმით კომპანია გალფს სოციალური პასუხისმგებლობის ფარგლებში სურს ხელი შეუწყოს განათლების პოპულარიზაციას ახალგაზრდა თაობაში და მხარში დაუდგეს მათ ფინანსურად, რადგან დღეს განათლებაში ინვესტიცია უმნიშვნელოვანესია ქვეყნისთვის.

გარდა ამისა კომპანია გალფსა და კავკასიის უნივერსიტეტს შორის გაფორმდა ურთიერთთანამშრომლობის მემორანდუმი, რომლის ფარგლებშიც სტუდენტები შეძლებენ სტაჟირების გავლას კომპანია გალფის სხვადასხვა დეპარტამენტში.