ჭიათურაში მაღაროელების მხარდამჭერი აქცია მიმდინარეობს. მაღაროელების სოლიდარობის ნიშნად სავაჭრო ობიექტების ნაწილი დაიხურა. აქციას სკოლის მოსწავლეები და მაღაზიების თანამშრომლები შეუერთდნენ.

ჭიათურაში მაღაროელები მე-11 დღეა შიმშილობენ. ისინი ხელფასების გაზრდასა და სამუშაო პირობების გაუმჯობესებას ითხოვენ.

ჯორჯიან მანგანეზის წარმომადგენლებისა და გაფიცული მაღაროელების შეხვედრა გუშინ, 26 მაისს უშედეგოდ დასრულდა. კომპანიამ გაფიცულებს პირველ ეტაპზე 15-პროცენტიანი და შემდეგ 10-პროცენტით ხელფასების ზრდა შესთავაზა, თუმცა უარი მიიღო. მაღაროელები პირველ ეტაპზე ხელფასის 30-პროცენტიან ზრდას, შემდეგ კი 20-პროცენტიანს ითხოვენ.