ლაგოდეხში ნინოსხევის ჩანჩქერთან მდინარეში ჩავარდნილ 16 წლის გოგოს 13 საათზე მეტია ეძებენ. საგანგებო სიტუაციების მართვის სამსახურში On.ge-ს უთხრეს, რომ სამძებრო სამუშაოები ამ დრომდე გრძელდება.

შემთხვევა გუშინ, 26 მაისს მოხდა. კერძო სკოლა ალბიონის მოსწავლეები ექსკურსიაზე იმყოფებოდნენ, როდესაც 16 წლის გოგოს ფეხი დაუცდა და დინებამ წაიღო. ექსკურსიაზე მყოფი მოსწავლეები და მშობლები ლაგოდეხის პოლიციაში გუშინვე გამოკითხეს.