სამხრეთ კორეის თავდაცვის მინისტრის თქმით, ქვეყანას სპეციალურად მომზადებული სამხედროები ჰყავს კიმ ჯონგ უნის მოსაკლავად, თუ ჩრდილოეთ კორეის მხრიდან ატომური იარაღების გამოყენების საფრთხეს იგრძნობს. ამის შესახებ ინფორმაციას CNN ავრცელებს.

აღნიშნული ინფორმაციის მიხედვით, სამხრეთ კორეას აქვს ზუსტი გეგმა, საფრთხის შემთხვევაში როგორ გაანადგუროს მტრული სახელმწიფოს ძირითადი ინფრასტრუქტურა და როგორ გააუვნებელყოს ჩრდილოეთ კორეის ხელმძღვანელობა.

მსგავსი გეგმის არსებობაზე ვარაუდი დიდი ხანია არსებობს, თუმცა მინისტრის გულწრფელმა განცხადებამ მაინც გააკვირვა ვიღაცები.

ტროის უნივერსიტეტის დენიელ პინკსტონის თქმით, "პრეზიდენტს უნდა ჰქონდეს მსგავსი გეგმა. მისი არ ქონა, ამისთვის არ მომზადება და ამ შესაძლებლობის არ ქონა იქნებოდა შეცდომა."

9 სექტემბერს, ფხენიანმა განაცხადა, რომ ახალი ტიპის ატომური იარაღის ტესტირებები წარმატებით დასრულდა. ამის შემდეგ სამხრეთ კორეამ ჩრდილოეთ კორეის ხელისუფლების მიმართ რიტორიკა გააძლიერა.