თბილისის სახელმწიფო უნივერსიტეტის რექტორის არჩევნებში გიორგი შარვაშიძის გამარჯვების შემდეგ რექტორობის ერთ-ერთი კანდიდატი, ცირა ბარამიძე აცხადებს, რომ აკადემიურმა საბჭომ შარვაშიძის არჩევით შეცდომა დაუშვა:

"დღეს აკადემიურმა საბჭომ, სამეცნიერო კოლეგიამ უნარების ტესტი ვერ ჩააბარეს, მათ აკადემიურ თანამდებობაზე აირჩიეს არა მეცნიერი, არამედ მენეჯერი და ამ პრაქტიკამ რა გამოიღო ბოლო წლების მანძილზე ჩვენ ეს ვიცით".

უნივერსიტეტის რექტორობისთვის სულ სამი კანდიდატი იბრძოდა. მათთვის მიცემული ხმები კი ასე გადანაწილდა:

  • განათლების მინისტრის ყოფილი მოადგილე გია შარვაშიძე - 21 ხმა;
  • უნივერსიტეტის პროფესორი ცირა ბარამიძე - 5 ხმა;
  • პროფესორი გიორგი ბარამიძე - 6 ხმა;
  • 4 ხმა - ბათილი;

უნივერსიტეტის აკადემიური საბჭოს წევრების კენჭისყრის პროცედურა 14:00 საათზე დაიწყო და ერთ საათს გაგრძელდა.

კენჭისყრას წინ უძღოდა კანდიდატების გასაუბრება აკადემიური საბჭოს წევრებთან.

გიორგი შარვაშიძე განათლების მინისტრის მოადგილე იყო 2013 წლიდან დღემდე. ასევე, იგი იყო ღია საზოგადოების ინსტიტუტის, აკადემიური მხარდაჭერის პროგრამის დირექტორი 2004-2013 წლებში და განათლების პოლიტიკის, დაგეგმვისა და მართვის საერთაშორისო ინსტიტუტის პრეზიდენტი.