პოლიტიკურმა გაერთიანება გირჩმა თავის ოფისში საროსკიპო გახსნა, სახელწოდებით "პიონერი". ამის შესახებ პარტიის ლიდერმა, ზურაბ ჯაფარიძემ დღეს გამართულ ბრიფინგზე განაცხადა. ბრიფინგის მთავარი თემა პროსტიტუციის ლეგალიზაცია იყო.

ჯაფარიძის თქმით, საროსკიპოში სექსმუშაკის მიყვანა ყველას შეეძლება, ერთი საათით ოთახის დაქირავების საფასური კი 49 ლარი და 90 თეთრი იქნება.

გირჩმა სექსმუშაკების უფლებების დასაცავად პროსტიტუციის ლეგალიზაცია 2017 წლის 24 ივლისსაც მოითხოვა. მაშინ პარტიაში აცხადებდნენ, რომ ლეგალიზაცია არის საუკეთესო გამოსავალი ტრეფიკინგის პრევენციისთვის. მათივე განმარტებით, დაცული იქნება სექსის ინდუსტრიაში დასაქმებულ პირთა უსაფრთხოება და ჯანმრთელობა.