მეგან მარკლი მშობიარობის შემდეგ თავის პირველ შვილთან ერთად პირველად წარდგა საჯაროდ ჟურნალისტების წინაშე. სასექსის ჰერცოგი და ჰერცოგინია პირველი შვილის სახელს დღეს დაასახელებენ.

მსოფლიომ პირველად იხილა მეგანისა და ჰარის პირველი შვილი, რომელიც 6 მაისს დაიბადა. წყვილმა ახალშობილი მსოფლიოს წმინდა ჯორჯის ტაძრის დერეფნიდან გააცნო, სადაც მათ ერთი წლის წინ, მაისში, ჯვრისწერა ჰქონდათ.

ფოტო: Dominic Lipinski

აღსანიშნავია, რომ მშობიარობიდან ორი დღის შემდეგ მეგანი იდეალურად გამოიყურება. მას ჟივენშის მიერ შექმნილი თეთრი კაბა ეცვა. სწორედ იგივე მოდის სახლმა შეუკერა მეგანს საქორწინო კაბაც.

"დედობა საოცარი და ჯადოსნური რამაა. ძალიან იღბლიანი ვარ, რომ ჩემ გარშემო ორი საოცარი ბიჭია", — თქვა სასექსის ჰერცოგინიამ შვილსა და პრინც ჰარიზე.

"მას ისეთი ტკბილი ხასიათი აქვს. ძალიან მშვიდია", — თქვა მეგანმა შვილზე.

"არ ვიცი, ვისგან მიიღო ეს მემკვიდრეობით", — დასძინა ჰარიმ ხუმრობით, მას სამეფო ოჯახის ახალი წევრი ხელში ნაზად ეჭირა.

ახალბედა მშობლები კამერებთან სიხარულს ვერ მალავენ.