პარლამენტმა უმრავლესობის მიერ მომზადებული კანონპროექტი პირველივე მოსმენაზე ჩააგდო. კანონპროექტს მხარი 54-მა დეპუტატმა დაუჭირა, წინააღმდეგი არავინ იყო. მის მისაღებად 68 დეპუტატის მხარდაჭერა იყო საჭირო.

ქართული ოცნების თავმჯდომარემ, მამუკა მდინარაძემ თქვა, რომ დარბაზში ხმაურის გამო დეპუტატებმა ვერ გაიგეს, რომელ კანონპროექტს ეყრებოდა კენჭი.

პარლამენტის თავმჯდომარე, ირაკლი კობახიძემ დეპუტებს მოუწოდა, სიჩუმე დაიცვან და საკითხს ყურადღებით მოეკიდონ.

"ჩავარდა ერთი კანონპროექტი. ბატონი კახა კუჭავა უნდა ვაწვალოთ ახლა, მან თავიდან უნდა დააინიციროს, პირველი მოსმენით თავიდან გაიტანოს, როცა იყო შეჯერებული და შეთანხმებული ეს კანონპროექტი", — თქვა კობახიძემ.

ეს კანონპროექტი თბილისის მერიის ინიციატივით ურავლესობამ მოამზადა. ადმინისტრაციულ სამართალდარღვევათა კოდექსში დამგეგილი ცვლილებები თბილისში მეორადი საბურავების, ჯართის, ამტვერებადი ნივთიერების განთავსებისა და რეალიზაციის წესების დარღვევაზე ადმინისტრაციული სანქციების დაწესებას ითვალისწინებდა.

ამავე თემაზე: