მომღერალი, ნინო ქათამაძე განმარტავს, რომ თუ პატრიარქი დაურეკავს, "ოჯახის სიწმინდის დღისთვის" დაგეგმილ კონცერტში მონაწილეობას მიიღებს. თუმცა, აქვე აზუსტებს, რომ ეს ლგბტ თემის უფლებების დარღვევის ხარჯზე არ მოხდება. ამის შესახებ ქათამაძემ On.ge-ს განუცხადა.

"ჩემთვის, როგორც მოქალაქისთვის, ძალიან რთულია, როცა პატრიარქის სახელით გელაპარაკებიან... თუ დამირეკავს პატრიარქი, მე უარს ვერ ვიტყვი, მაგრამ არა უმცირესობების დამცირების და არაღიარების ხარჯზე. თუ მე მომიწევს, როგორც მოქალაქეს, ოფიციალურად ამ ღონისძიებაზე სიმღერა, ეს არ მოხდება ლგბტ თემის უფლებების ხარჯზე", — განმარტავს მომღერალი.

ნინო ქათამაძე ამბობს, მას პოზიციის დაფიქსირება არ აშინებს, უბრალოდ არ უნდა, "უხეში ფონი იყოს წარმოთქმული". ქათამაძე განმარტავს, რომ მისი ყოველი მოქმედება ნიშნავს, რომ ის ემხრობა "არა ძალადობას".

"ყველაფერი, რაც კეთდება, უნდა გაკეთდეს სიყვარულით, მაგრამ არა სხვა ადამიანების, რა ორიენტაციისაც არ უნდა იყვნენ, მათი განადგურების, დამცირების და მკვლელობის ხარჯზე", — ამბობს ქათამაძე.