ზესტაფონის მუნიციპალიტეტი 2 მაისს ქუთაისქალაქობის აღსანიშნად მხატვრის დაქირავებას გეგმავს. ამისთვის მუნიციპალიტეტს 800-ლარამდე თანხა აქვს გამოყოფილი.

მხატვრის მომსახურება მუნიციპალიტეტს ქუთაისში სჭირდება.

"მხატვარი შეიძლება იყოს პროფესიონალი ან თვითნასწავლი. მომწოდებელმა თავისი ხარჯით უნდა უზრუნველყოს: სხვადასხვა ხილის,იმერული ჩურჩხელებისა და ტკბილი კვერის მოწოდება და ათკაციანი ხილის სუფრის გაფორმება დეკორატიული ასორტებითა და კომპოზიციებით, ე.წ. ფანერის მასალით დეკორაციების შექმნა იმერული აივნისა და კარმიდამოს იმიტაციის წარმოდგენის მიზნით", — განმარტავს ზესტაფონის მუნიციპალიტეტი შესყიდვების სააგენტოს ვებგვერდზე განთავსებულ მონაცემებში.

ქუთაისში ყოველწლიურად 2 მაისს ქალაქის დღესასწაული აღინიშნება. ღონისძიება დაგეგმილია წელსაც.