კატალონიის ბარსელონას ოფიციალურმა ფეისბუქ გვერდმა, 23 აპრილს, ყველასთვის მოულოდნელად, პოსტი ქართულ ენაზე გამოაქვეყნა და გულშემატკივრებს აცნობა, რომ კლუბს საქართველოში უკვე ოფიციალური პარტნიორი ჰყავს.

პოსტს ქართველი გულშემატკივრისგან დიდი გამოხმაურება მოჰყვა. მომხმარებლები ახალმა ამბავმა გაამხიარულა და ბარსელონას ოფიციალური ფეისბუქის კომენტარებში სახალისო კომენტარები დაწერეს.

ბარსელონასა და აჭარაბეთის პარტნიორობის ფარგლებში ორმა ადამიანმა ბარსას მატჩზე დასასწრები საგზური უკვე მოიგო. აჭარაბეთის მომხმარებლებს ჯერ კიდევ აქვთ საშუალება მოიგონ ბარსელონას საშინაო მატჩებზე დასასწრები ბილეთები, ოფიციალური მაისურები ფეხბურთელების ავტოგრაფებით, ბარსელონას საგზურები და მრავალი სხვა საჩუქარი.