დემოკრატიული მოძრაობის ლიდერი, ნინო ბურჯანაძე პროკურატურის მიერ 26 მაისის საქმეზე კუდის ყოფილი უფროსის, დათა ახალაიასა და სხვა მაღალჩინოსნებისთვის ბრალის წაყენებას ეხმაურება:

"ჩვენ დავინახეთ, როგორი ყოჩაღები არიან ნაციონალური მოძრაობის წარმომადგენლები, როდესაც საკუთარ უიარაღო მოსახლეობას ებრძვიან. როგორი გამალებით გვებრძოდნენ, სრულიად უდანაშაულო და უიარაღო ადამიანებს. ნაციონალურ მოძრაობას არავითარი მორალური და სამართლებრივი უფლება არ აქვს ხელისუფლებაში მოსვლაზე, დემოკრატიულ ფასეულობაზე".

ბურჯანაძე ასევე განმარტავს, რომ მისი პარტიის ხელისუფლებაში მოსვლის შემთხვევაში, აღნიშნულ საქმეს ბოლომდე გამოიძიებენ და პირველ რიგში მიხეილ სააკაშვილს დასჯიან.

დღეს მთავარმა პროკურატურამ საგანგებო ბრიფინგი გამართა და განაცხადა, რომ 2011 წლის 26 მაისს მომიტინგეთა დარბევისა და მომიტინგეთა მასობრივი დაკავებების ფაქტზე, ბრალდებულად ცნეს კუდის ყოფილი უფროსი დავით ახალაია, მისი მოადგილე ვასილ ლილუაშვილი, ამავე დეპარტამენტის თბილისის სამმართველოს უფროსი რევაზ შიუკაშვილი და მეორე სამმართველოს უფროსი ლევან ქარდავა.