სუხიშვილების მოცეკვავე თეა დარჩია რუსთავი 2-ის გადაცემა სხვა შუაღამეში გამოჩნდა და ერთ-ერთი ახალი ცეკვა შეასრულა.

მოცეკვავის თქმით, ცეკვის ავტორი ილიკო სუხიშვილია და მასვე ეკუთვნის ნომრისთვის დაწერილი მუსიკაც. დარჩიას სიტყვებით, სუხიშვილი კომპოზიციას სამი თვის განმავლობაში წერდა.

"ფენომენალური", "ბრწყინვალე", "საოცარი", "ცეკვის ქალღმერთი" — ასე ახასიათებენ მოცეკვავეს ვიდეოს კომენტარებში და მართლაც, შეუძლებელია მისი ერთხელ ნახვა საკმარისი მოგეჩვენოთ.

როგორც თეა დარჩია დასძენს, ილიკო სუხიშვილმა ცეკვა ახალი სტუდიის გახსნისთვის დაწერა და მას აჩუქა.