ქართულო ოცნების ყოფილი წევრი ვატო შაქარიშვილი ირაკლი კობახიძიეს პასუხობს და ამბობს, რომ პროცენტები მისი ძლიერი მხარე არაა.

საქართველოს პარლამენტის თავმჯდომარემ, ირაკლი კობახიძემ არჩევნებში მოძრაობა დაიცავი საქართველოს შანსები შეაფასა, მიუხედავად იმისა, რომ თავად მოძრაობა პოლიტიკურ აქტივობაზე ჯერ არ საუბრობს. ირაკლი კობახიძის თქმით, მოძრაობას 3%-იანი ბარიერის გადალახვაც გაუჭირდება.

ვატო შაქარიშვილის აზრით, ინტელექტუალური კრიზისია იმ ოთახში, სადაც ეს მესიჯბოქსი იწერება:

"ირაკლი კობახიძის დათვლილი პროცენტები უკვე ვნახეთ საპრეზიდენტო არჩევნების პირველ ტურში. თანაც ჩვენ ვიცით, ბატონო ბიძინა ივანიშვილისგან მოვისმინეთ, რომ მას ყური უკვე აუწიეს ერთხელ. ნახევარი საქართველო, პარტიის თავმჯდომარით დაწყებული და ლიდერშიპით გაგრძელებული მოატყუა პირდაპირი სიტყვის მნიშვნელობით, მეც იქ ვიყავი სხვათა შორის, სალომე ზურაბიშვილის საარჩევნო შტაბში, როდესაც მოტყუებით მოიყვანეს ბიძინა ივანიშვილი და გამარჯვება აზეიმეს წაგებულ არჩევნებში", — თქვა ვატო შაქარიშვილმა რუსთავი 2-თან საუბრისას.