ეტლი, რომლითაც პარაოლიმპიელმა ტატიანა მაკფეიდენმა რამდენიმე გამარჯვებას მიაღწია, არც მეტი, არც ნაკლები, BMW-ს ინჟინრების მიერაა შექმნილი.

მაკფეიდენმა რიოს პარაოლიმპიადაზე სამი ოქროს მედალი მოიპოვა და პარაოლიმპიური რეკორდიც დაამყარა - მან 5 ათას მეტრიანი დისტანცია 11 წუთსა და 54,07 წამში დაფარა.

ფოტო: Luca Uebel / GETTY

ეტლზე მუშაობისას დააკვირდნენ ათლეტების ვარჯიშსა და შეჯიბრებებს, გააკეთეს 3D სკანირება და შესაბამისი პროგრამის საშუალებით აღმოაჩინეს წინაღობის ყველაზე დიდი წყაროები. კვლევის დროს გამოჩნდა, რომ წინაღობა არა ეტლებიდან, არამედ, უმეტესწილად, ტანიდან მომდინარეობს. რის გამოც ეტლზე მომუშავე გუნდმა, თითოეული ათლეტის სხეულზე მორგებული ეტლის დიზაინები შექმნეს.

მასალად ალუმინის ნაცვლად ნახშირის ბოჭკოები გამოიყენეს, რამაც ეტლის მოქნილობა ექვსჯერ გაზარდა.

BWM-ს შექმნილი ეტლები სპორტსმენებს წარმატების მიღწევაში დაეხმარა. ახალი მოდელის საშუალებით პარაოლიმპიელებმა სამი ოქრო, სამი ვერცხლი და ერთი ბრინჯაო მოიპოვეს და ორი პარაოლიმპიური რეკორდიც დაამყარეს.