5 აპრილს, KHIDI-ს თანამედროვე ხელოვნების სივრცე წარმოგიდგენთ STANISLAV TOLKACHEV-ისა და VALERIYA TARASENKO-ს ერთობლივ გამოფენას — #CTPoil.

#CTPoil ფოტოს ბეჭდვის ინოვაციური და ალტერნატიული ტექნიკაა, რომელიც ფოტოგრაფიასა და ფერწერას აერთიანებს.

გამოფენა #CTPoil აერთიანებს სტანისლავის ალბომის ყდებს, ვალერიას მიტოვებული შადრევნების სეერიას, ნიღბებსა და ასევე ერთობლივ, კოლაბოლაციურ ნამუშევრებს.

გამოფენა იმუშავებს ორი კვირის განმავლობაში, KHIDI-ს ღამის ივენთების (5,6,12,13 აპრილი) პარალელურად (დასწრება შესაძლებელია KHIDI-ს ბილეთით). 9 აპრილს, სამშაბათს: 18:00 საათიდან 22:00 საათამდე კი დასწრება თავისუფალია.

Ctpoil — ეს არის ფოტოს ბეჭდვის ახლებური, ალტერნატიული მიდგომა, რომელიც დაფუძნებულია უკვე არსებულ ოფსეტურ ბეჭდვაზე, ჰიდროფილური ალუმინის ფირფიტის გამოყენებით. ეს პროცესი წააგავს კლასიკური ზეთით ბეჭდვის მეთოდს, თუმცა, განსხვავება იმაშია, რომ თანამედროვე ალუმინის ოფსეტური ფოტომატრიქსი გამოიყენება როგორც საბოლოო გამტარი.

თავად მატრიქსი წარმოებულია ციფრული მონოქრომული პოზიტივით, პროფესიონალური, წინასწარი დაპრესვის ოფსეტურ მექანიზმზე, კარგი ხარისხის კონტურითა და ჰიბრიდული რასტერით. ზეთოვანი ფერწერით შესრულებულ ნახატზე აპლიკაციის დატანა ხდება ხელით (ფუნჯით ან როლერით).

Stanislav Tolkachev უკრაინული ტექნო სცენის პიონერი და კლუბი KHIDI-ის რეზიდენტი არტისტია, რომელიც მუსიკის გარდა, ფოტოგრაფიით არის გატაცებული. აქტიურად მუშაობს შავ-თეთრი ფოტოების გადაღებაზე 2000 წლებიდან მოყოლებული, რომელსაც წარმატებულად იყენებს თავისივე ალბომების ყდებად.

Valery Tarasenko უკრაინელი არტისტია, რომელიც მუშობს ფერწერაში, ინსტალაციებსა და ფოტოგრაფიაში. მისი ნამუშევრები აქტიურად იფინება სხვადასხვა გამოფენებზე 2014 წლიდან. 2016 წლიდან მოყოლებული სტანისლავი და ვალერია ნამუშევრების შესაქმნელად Ctpoil ტექნიკას მიმართავენ და ქმნიან, როგორც ინდივიდუალურ, ისე კოლაბორაციულ ნამუშევრებს.

KHIDI — თანამედროვე ხელოვნების სივრცე, წარმოადგენს კლუბის ახალ პლატფორმას. მულტიდისციპლინური ფორმატის საგამოფენო დარბაზი KHIDI-ს მესამე სართულზეა განთავსებული და მიზნად ისახავს ახალი არტისტული იმპულსების სინთეზით შექმნას უნიკალური გადაკვეთის წერტილი ელექტრონული მუსიკის აუდიტორიასა და სხვადასხვა შემოქმედებით მიმართულებებს შორის.