ნეტფლიქსის გამომწერების დიდი ნაწილისთვის ყოველთვიური გადასახადი იზრდება. სტრიმიგ-სერვისმა ამერიკელ გამომწერებს ელექტრონული წერილები დაუგზავნა, სადაც ფასის ზრდასთან დაკავშირებით ატყობინებს.

ნეტფლიქსმა ფასების ზრდა თავდაპირველად იანვარში დააანონსა და განაცხადა, რომ გაზრდილი შემოსავლით გადაცემებს, სერიალებსა და ფილმებს დაამატებდა.

ფასების ზრდა გადახდის ვადებზეა დამოკიდებული.

აშშ-ში ნეტფლიქსის მომხმარებლებისთვის ფასები ერთიდან ორამდე დოლარით იზრდება. ზოგადი სტრიმინგის შემთხვევაში, მისი ფასი თვეში 8-დან 9 დოლარამდე იმატებს. სტანდარტული გეგმის შემთხვევაში, რომელსაც ორ მოწყობილობაზე ჩართვა და მაღალი ხარისხიის სტრიმინგი მოჰყვება, გადასახადი 11-დან 13 დოლარამდე გაიზრდება. პრემიუმ სტრიმინგის მომხმარებლებს კი $14-ის ნაცვლად $16-ის გადახდა მოუწევთ.

ნეტფლიქსი ინვესტიციას თავის ორიგინალ კონტენტში დებს. 2018 წელს, ახალი ფილმებისთვის და შოუებისთვის ბიუჯეტის ოდენობამ $8 მილიარდი შეადგინა.

ამ ინვესტიციამ ნეტფლიქსს 2019 წლის თებერვალში მოუტანა სამი ოსკარი, 2018 წელს კი სტრიმინგ სერვისის შოუებმა 23 ემი მიიღო ისეთი სერიალებისთვის, როგორიცაა The Crown, Stranger Things და GLOW.